Çështja e shtëpisë u zgjidh! Pasi morëm me qira një vilë në Kanada, më pas një tjetër në Malibu, princi Harry i Anglisë dhe bashkëshortja e tij, Meghan Markle, kanë blerë vilën e ëndrrave në Santa Barbara, California, SHBA.
Por tashmë çifti duhet të mendojë për të punuar në mënyrë që të paguajnë këstin mujor prej rreh 50 mijë dollarë në muaj, deri në shlyerjen e vlerës totale të banesës.
Dukët e Sussex, duken të gatshëm për të pranuar çdo punë, edhe pse ëndrra në sirtar e Meghan, është që ti rikthehet aktrimit.
Ata blenë një vilë faraonike të rrethuar nga një park i madh në një nga vendet më ekskluzive rreth Los Angeles, ku fqinj kanë personazhe të njohur si Oprah Winfrey, Gwyneth Paltrow dhe Ellen DeGeneres.
Princi Charles, babai i Harryt, mori përsipër pagimin e paradhënies së blerjes, prej rreth 5 milionë dollarë, ndërsa këstet në vijim duhet ti paguajë çifti, ku që të dy bashkëshortët janë pa punë.
Vila në Santa Barbara ka kushtuar rreth 14.7 milionë dollarë në total. E ndërtuar në vitin 2003, shtëpia ka stil mesdhetar, ku në të ndodhet një bibliotekë, një palestër, sauna, ashensor, sallë lojërash dhe një ambient teatri. Në total flitet për 9 dhoma gjumi si dhe 16 tualete. Po ashtu në vilë ka edhe një sallë çaji, një ambient për të lozur fëmijët si dhe rrethohet nga ullinj shekul;or. Po ashtu ka edhe një fushë tenisi, një pishinë dhe një park lojërash.
Një mundësi që po shqyrtohet nga Harry dhe Meghan për të siguruar të ardhura, është ajo e shkrimit të artikujve lidhur me tema sociale si dhe mbajtja e fjalimeve publike.
