Një grup deputetësh të PD ishin në Shkozë ku inspektuan nga afër aksionin e IKMT e cila ka nisur shembjen e 153 godinave pa leje në funksion të projektit për zgjerimin e rrugës.
Nënkryetari i parlamentit, Edi Paloka, i ka kërkuar qeverisë dhe kryeministrit Rama t’i japë fund asaj që e quan “luftë e qeverisë me qytetarët”.
Paloka thotë se Rama i mashtroi duke u marrë votën dhe tani i nxjerr në rrugë me fëmijët.
“Duket sikur jemi jo në një vend që kërkon integrimin në BE, po sikur jemi në një vend në mes lufte. Lufta në fakt është mes banorëve dhe qeverisë, dhe jo vetëm atyre të Shkozës, por të gjithëve atyre që i besuan Edi Ramës dhe i dhanë votën. Kështu është kur i beson Edi Ramës, ta ketë parasysh kushdo. Jemi për t’i bërë thirrje qeverisë dhe Edi Ramës, mos u sill si armik me qytetarët. Bëhu njerëzor, shiko çfarë po bën. Janë qindra familje që po i nxjer me fëmijët jashtë, ku do shkojnë”, tha Paloka./a.m.
