Policia spanjolle ka arrestuar ministrin e Ekonomisë së rajonit të Katalonjës në Spanjë, pas një aksioni në disa institucione.
Sipas BBC, ministri Josep Maria Jove u arrestua pasi kërkonte dokumente që kanë të bëjnë me referendumin për pavarësinë e Katalonjës nga Spanja, edhe pse gjykata e ka cilësuar të pavlefshëm një referendum të tillë.
Garda Civile e Spanjës mësyu në disa prej ministrive kryesore në Katalonjë. Ndër institucionet që u kontrolluan janë Ministria e Ekonomisë, Ministria e Punëve të Jashtme dhe ndërtesat e Presidencës që ndodhen në Katalonjë.
Drejtuesit lokalë të rajonit të Katalonjës po sfidojnë një vendim gjykate që ndalon votimin e datës 1 tetor të referendumit që synon pavarësinë e Katalonjës nga Spanja.
Ndërkohë, qeveria e Madridit mbështetet nga Gjykata Kushtetuese e Spanjës, e cila pezulloi ligjin e referendumit të miratuar nga parlamenti katalanas.
a.ç
