“Reagim qesharak”. Kështu e ka komenmtuar këshilltari I kryeministrit Edi Rama, deklaratat e ish-zëdhënësi i Pentagonit, J.D Gordon. Në një postim të tij online Endri Fuga shkruan se e konsideron qeshrak reagimin e trumpistit, duke ju referuar Gordon.
“Ç’reagim qesharak i trumpistit! Edi Rama me korrupsionin ka po aq lidhje sa ka Trumpi me të vërtetën kur flet për muslimanët”, shkruan Fuga.
Deklaratat e Ramës se Trump është një turp për qytetërimit tonë, janë pasuar nga reagime në mediat amerikane. Reagimi ka ardhur nga stacioni konservator, Fox Neës. ish-zëdhënësi i Pentagonit, ka kritikuar këto deklartata gjatë një interviste televizive për Fox Business, duke u shprehur se kryeministri shqiptar Edi Rama po udhëheq një parlament të korruptuar dhe se është i lidhur me korrupsionin. Më tej ai kujtoi miqësinë e Ramës me Goerge Sorros.
“E dini që këtë javë ishte në Uashington miku i ngushtë i George Soros, i cili ka qenë i ftuar nderi në dasmën e tij. Edi Rama, kryeministri i Shqipërisë zhvilloi takime në Shtëpinë e Bardhë. Ky njeri foli për Donald Trump dhe tha që përbën rrezik për civilizimin. Dhe e dini kush e thotë këtë, Edi Rama i cili është në krye të një parlamenti të korruptuar, që është i lidhur me korrupsionin. Ne duhet t’u themi këtyre liderve europianë që të mos fusin hundët në politikën tonë të brendshme”,tha ish-zëdhënësi i Pentagonit.
Ndërkohë, faqja e njohur amerikane, Inquisitr, një prej më të klikuarave në vend, e vlerëson Edi Ramën pas komenteve të tij për Trump.
Faqja në pronësi të një izraeliti, shkruan: “Kryeministri Edi Rama e ka marrë detyrën në shtator të vitit 2013. Ai ka pasur një karrierë të ndryshme politike, që e ka origjinën e saj në lëvizjen për demokraci në Shqipëri, që solli edhe rënien e regjimit komunist”.
“Një figurë e lartë politike, ai ka dhënë kontribut të madh për artet, sportin dhe arsimin në vendin e tij”.
