Trashëgimia kulturore është dëshmues i vlerave dhe traditave, që pasqyrojnë dhe i japin formë kulturës dhe identitetit tonë kombëtar, deklaroi sot ambasada e SHBA në Tiranë.
Nëpërmjet një postimi në faqen e saj, ambasada e SHBA në Tiranë pohon se “Këshilli Rinor i Ambasadës Amerikane do të nisë një fushatë sensibilizuese fotografike, duke identifikuar objekte të ndryshme të trashëgimisë kulturore në vende të ndryshme të Shqipërisë. Qëllimi i kësaj fushatë është që si të rinj të njihemi me objekte të ndryshme të trashëgimisë kulturore në vendin tonë, si edhe të identifikojmë ato objekte të cilat kanë nevojë për restaurim”.
“Ne ju ftojmë të bëheni pjesë e kësaj nisme, duke vizituar një objekt të trashëgimisë kulturore dhe duke e sjellë atë nga perspektiva e fokusit tuaj nëmpërmjet një apo disa fotografive. Fotografitë mund t’i dërgoni tek adresa:trashegimia2016@useycalbania, apo në adresën tonë në Facebook, duke derguar mesazh apo bere shenjuar (tagg), ne emrin U.S. Embassy Youth Council Albania nen thurrjen: #Trashegimiakulturore #Identitet #Restauro. Së bashku me fotografinë, specifikoni datën kur është shkrepur foto, vendndodhjen dhe emrin apo ndonjë informacion tjetër për objektin. Bëhu pjesë e nismës tonë! Vizito një objekt të trashëgimisë kulturore këtë vere!”, thekson ambasada amerikane në Tiranë./a.m.
