Këshilli Bashkiak miraton të mërkurën ndihmën ekonomike për PAK
Këshilli Bashkiak i Tiranës pritet të miratojë disa pr/vendime në mbledhjen e radhës, datë 23 shtator.
Përmes një njoftimi për shtyp, Këshilli Bashkiak i Tiranës bërë të ditur se në mbledhjen e radhës do të miratohet pr/vendimi “Për miratimin e dhënies së ndihmës ekonomike dhe pagesës së PAK e invalidët e punës, për periudhën 1-30 shtator 2015, si dhe pr/vendimi “Për propozimin e dhënies së ndihmës ekonomike për periudhen 1-30 shtator 2015”.
Një tjetër vendim që do të shtrohet për diskutim e miratim është edhe ai “Për riorganizimin e Drejtorisë së Përgjithshme Nr. 1 të punëtorëve të qytetit dhe krijimin e “Agjencisë së Parqeve dhe Rekreacionit”.
Mbledhja e Këshillit Bashkiak në rend të saj parashikon edhe pr/vendimin “Për dhënien e titullit “Simbol i Qytetit të Tiranës aktorit Pandi Toçi, që humbi jetën pas një akti të pashembullt qytetar”,
Këshilli Bashkiak do të miratojë edhe pr/vendimin për dhënin e e titullit “Mirënjohje e qytetit të Tiranës, anëtarëve të bordit drejtues të Fondit Shqiptaro-Amerikan të Ndërmarrjeve dhe të Fondacionit Shqiptaro-Amerikan për Zhvillim.
Ndërsa pritet po ashtu edhe miratimi i pr/vendijmi “Për dhënien e miratimit për vendosjen e përmendores së Heroit tonë Kombëtar, Dedë Gjon Luli në lushishten e Muzeut Histork Kombëtar pranë rrugës, “Dedë Gjon Luli”.
Këshilli bashkiak njoftoi edhe mbledhjen e dy komisineve të tij në ditët e para të javës, konkretisht komisioni i ekonomisë si dhe ai juridik.
Redaksia Java News/ f.g
