“Emigranti që erdhi me skaf në Itali, tani kryetar bashkie në Shqipëri”
Mediat italiane i kanë kushtuar një shkrim kryetarit të Bashkisë së Cërrikut, Altin Toska, për hitorinë e tij të emigracionit dhe mënyrën se si u zgjodh në drejtimin e qytetit. Corriere della Sera shkruan se “ai erdhi në Itali në vitin 1998 me skaf. Jetoi 17 vjet në Brescia, qyteti qe e ka lënë tashmë për tu kthyer për të marrë detyrën e kryetarit të bashkisë së Cërrikut me 50 mijë banorë”.
U arratisa nga shtëpia sepse ishte e pamundur të jetoje në Shqipëri. Isha 22 vjeç dhe nuk u thashë asgjë prindërve. E dija se mund të vdisja në det”, tregon Toska për Corriere, ndërsa tani është babi i dy vajzave.
Ai thotë se në muajin Prill pranoi një kërkesë nga LSI, për të kandiduar për kryetar Bashkië për qytetin e tij. “Nuk mund t’i thosha jo vendit tim. Nuk ishte e lehtë sepse familja ime që më ka ndjekur prej kohësh jeton në Brescia”, tregon me tej Toska.
