Sekretari amerikan i Shtetit, John Kerry vijon përpjekjet për zgjidhje të reja në arritjen e një armëpushimi në Siri, pasi elementi kohë është një element kyç për popullatën e izoluar në Alepo dhe administratën e presidentit Barack Obama drejt fundit të mandatit të saj.
Pasi kanë kaluar fundjavën me diskutime në rang ndërkombëtar për çështjen siriane, kreu i diplomacisë amerikane po apelon në mënyrë të vazhdueshme për një armëpushim në këtë shtet në luftë civile prej më shumë se pesë vitesh e gjysmë ku më shumë se 300 000 persona kanë vdekur.
Por, pas dështimit për të bindur Rusinë për të bashkëpunuar me SHBA-në në këtë proces armëpushimi, ai nuk fshehu dëshirën për përfshirjen e vendeve të tjera për të luajtur një rol të rëndësishëm në këto negociata.
Dy ditë më parë në Lozanë, shtetet fqinjë të Sirisë, gjysma në mbështetje të regjimit të Damaskut dhe pjesa tjetër e rebelëve sirianë, u mblodhën në tyezën e bisedimeve për të sjellë një frymë të re në ide.
Ideja e ndarjes së ekstremistëve të lidhur me Al-Kaedën dhe grupeve rebele të moderuara u hodh gjithashtu si pjesë e diskutimeve./a.m.
