Gjykata e Apelit për Krime të Rënda ka rrëzuar sot kërkesën e Redjan Rrajës për ndryshimin e masës së sigurisë.
Rraja, i arrestuari i vetëm për atentatin ndaj prokurorit Arjan Ndoja, ku humbi jetën shoferi i tij Andi Maloku dhe u plagos Pëllumb Muharremi, kërkoi lirinë në Gjykatën e Apelit, me argumentin se nuk kishte lidhje me ngjarjen.
Ngjarja ndodhi më 1 nëntor të vitit 2019, ku prokurorit Ndoja iu bë antantat ndërsa po lëvizte në makinë me Pëllumb Muharremin, i njohur si Rrumi i Shijakut, dhe që është një personazh i njohur i botës së krimit, si dhe shoferin e tij, Andi Maloku, që ndërroi jetë në spital.
g.kosovari
