Policia e Cleveland, Angli, ka bërë publike fotot e dy shqiptarëve të dyshuar, për vrasjen e Hemwand Ali Hussain.
Trupi i 30-vjeçarit të vrarë u gjet në një banesë në Rrugën Charterhouse, jashtë Oxford Road, Hartlepool, të Dielën, më 15 Shtator.
Autorët e vrasjes së Hussain, pas hetimeve që ka zhvilluar deri tani policia, mendohet të jenë shqiptarë.
Detektivët kanë informacione se autori kryesor i dyshuar, që po kërkohet, ishte një pasagjer në makinën, që dyshohet se u përdor për krimin.
“Të dy këta persona të cilët ne i kërkojmë që t’i intervistojmë në lidhje me ngjarjen janë shqiptarë” thotë policia e Cleveland.
Në kohën kur ka ndodhur vrasja thotë policia e Clevenland këta persona ishin në Teesside.
Fotografia e tij tashmë është qarkulluar në të gjithë veriun e Anglisë, pasi mendohet se personi më i dallueshëm mund të strehohet në Bolton, Sheffield dhe Leeds.
I dyshuari është në fillim të 40-ve me flokë të errët shumë të shkurtër.
Nga pamjet filmike, tre autorët besohet se ishin në një Mercedes E Class, ngjyrë argjendi, kur u krye vrasja. Tjetri në të 20-at e tij ka qenë i veshur me një xhup me ngjyra të lehta me shirita të errëta.
Shqiptari i tretë i dyshuar, i përket moshës 31-vjeç, dhe po ashtu ishte i veshur sportiv. Policia ka kërkuar ndihmën e qytetarëve, që nëse kanë dijeni, mund të lajmërojnë për identifikimin e tyre. /a.r
