Jo vetëm zona e ish-Parkut, por edhe lokalet e natës në Tiranë ishin disa nga bazat që Klajdi Serjani dhe Euxhenjo Manushi përdornin për të shpërndarë kokainën.
Celularët e dy të arrestuarve janë sekuestruar dhe pritet zbërthimi i tyre për të gjetur prova të reja në lidhje me skemën që dy të rinjtë përdornin për shitjen e drogës, e mbi të gjitha për të gjetur emrat e personave të tjerë të përfshirë në këtë skemë kriminale.
Burimet bëjnë me dije se ka dyshime për disa persona të tjerë, kontigjentë të botës së krimit, të përfshirë drejtpërdrejt në furnizimin dhe shpërndarjen e kokainës.
Klientët në bare të frekuentuara ishin qytetarë të ndryshëm, por edhe këngëtarë të njohur, të cilët ishin të lidhur me Klajdi Serjanin dhe Euxhenjo Manushin ku këta të fundit i siguronin kokainën e pastër.
Prej të paktën 6 muajsh, Serjani dhe Manushi ishin në përgjim nga policia dhe janë ndjekur deri në kapjen në flagrancë me kokainë.
Klajdi Serjani është nipi i Pajtim Serjanit, një nga miqtë më të ngushtë të Emiljano Shullazit.
Kjo është arsyeja pse baza e tyre ishte pikërisht në zonën e ish-Parkut, e njohur si zone e kontrolluar nga Emiljano Shullazi dhe grupi i tij. Gjithashtu Pajtim Serjani është një person i njohur për drejtësinë, i dënuar më herët për gjobëvënie. Ky i fundit madje i ka shpëtuar një atentati në 2015.
/a.r
