Një 45 vjeçar i shpallur në kërkim ndërkombëtar nga Italia është arrestuar këtë të martë në Lezhë.
Shtetasi Jetmir Rica, banues në Laç është arrestuar nga efektivët e seksionit kundër narkotrafikëve.
Gjykata e Romës në Itali e kishte dënuar me 8 vite burg Ricën nën akuzën e trafikimit të lëndëve narkotike. Ricës i kishin mbetur për të kryer edhe 6 vite e 6 muaj burg.
Pas arrestimit, policia do të nisë procedurat për të ekstraduar 45 vjeçarin drejt Italisë për të vuajtur pjesën e mbetur të dënimit. /b.d
