Një person i shpallur në kërkim që prej vitit 2009 është arrestuar mbrëmë në Tiranë. Shtetasi në fjalë kërkohej nga autoritetet italiane për veprat e “rrëmbimit” dhe “përdhunimit”.
Specialistët e Sektorit të Forcës së Posaçme Operacionale në Drejtorinë Vendore të Policisë Tiranë, në bazë të informacioneve të marra, kanë bërë kapjen dhe ndalimin e shtetasit:
– Ergus Jaupaj, 46 vjeç, banues në Tiranë.
Jaupaj u ndalua, për arsye se ishte i shpallur në kërkim ndërkombëtar, pasi Gjykata e Romës/Itali, me vendimin Gjyqësor të datës 22.09.2009, e ka dënuar me 10 vjet, 8 muaj dhe 20 ditë në burg, për kryerjen e veprave penale të, “Rrëmbimit/heqjes së paligjshme të lirisë”, “Përdhunimit” dhe “Vjedhjes me armë në bashkëpunim”.
Ky shtetas ndodhet në dhomat e paraburgimit në Drejtorinë Vendore të Policisë Tiranë, në pritje të ekstradimit drejt Italisë./a.m.
