Pas një hetimi të thelluar, Policia e Sarandës ka dalë në konkluzionin se shtetasi Altin Zeneli, 36 vjeç nga fshati Gjashtë, është autori i një sërë kërcënimesh ndaj shtetases R.M.
Sipas burimeve policore nga qyteti jugor bëhet me fije se R.M. ka marrë kërcënime të vazhdueshme përmes telefonit celular si dhe letra që vinin nga ambientet e paraburgimit.
Gjatë dëshmisë së saj, R.M. mësohet se ka pasur një lidhje jashtëmartesore me Zenelin, edhe ky i martuar. Po sipas dëshmisë, mësohet se këta persona e kishin ndërprerë lidhjen e tyre prej kohësh, por Zeneli përveç fjalëve të dashurisë e kërsënonte nëse lidhja e tyre nuk do të vazhdonte.
Pas dëshmisë së 28-vjeçares mësohet se policia e Sarandës ka marrë në pyetje të ndaluarin Zeneli të cili tashmë i shtohet edhe akuza e kanosjes.
