Ali Ahmeti i ka suprizuar teleshikuesit që prisnin një fjalë prej tij për atë çfarë ndodhi në Lagjien e Trimave të Kumanovës.
Në një intervistë për “Alsat Maqedoni” Ahmeti u pyet nga gazetari se përse nuk e ka vizituar “Lagjien e Trimave” që u dogj nga luftimet ashtu siç bëri Zoran Zaev.
Por kreu i BDI tha se ai e ka kryer punën e tij me aq sa ka patur mundësi.
“Unë kam bërë shumë për atë lagjie dhe e ndjej veten mirë që asnjë civil nuk është vrarë në këto përleshje” – tha Ahmeti.
Ahmeti u zotua në emision se do të angazhohet që familjet e prekura të ndihmohen.
Qeveria maqedonase vendosi një fond prej 1.600 eurosh për familje me qëllim rekuperimin e dëmeve, por kjo shifër kurrësesi nuk është e mjaftueshme për shtëpitë e djegura.
Në intervistë Ali Ahmeti pranoi indirect se kishte pasur frikë se mos fyhet nga banorët nëse do të dilte në terren, siç ndodhi me deputetët që ai dërgoi dhe që u përzunë nga qytetarët e Kumanovës. Ai u shpreh se nuk ka vajtur të Lagjia e Trimave pasi nuk ka dashur të fyhet apo të puthet nga banorët…
