Një person i dyshuar si terrorist, refugjat sirian 25 vjeç, i cili mund të jetë “një tjetër përfaqësues” i ISIS-it, është ndaluar në perëndim të Gjermanisë, në Renania-Palatinato.
Lajmi bëhet i ditur nga agjencia gjermane Dpa, që citon një zëdhënës të ministrisë së Brendshme rajonale në Mainc. Pas ndalimit të tij, dyshohet se është një atentat i mundshëm në javën e parë të Bundesligës, kampionati gjerman i futbollit.
“Disa të dhëna kanë ardhur nga një burg në Gelsenkirchen”, – raporton agjencia gjermane, pa dhënë elemente të tjera, por duke saktësuar që ndalimi është bërë “gjatë një kontrolli” nga “Sek”, forcat speciale të policisë. I riu ka lindur në Damask dhe ka mbërritur në Gjermani në fillim të këtij viti.
Ndalimi është bërë në Mutterstadt, saktëson Dpa, duke iu referuar një qyteze prej rreth 13 mijë banorësh dhe disa dhjetëra kilometra larg qendrës së Manhemit. Në ditët e shkuara, qarkulluan lajme se dy refugjatët që kishin përgatitur sulme në Bavari muajin e shkuar (agresori në trenin Wuerzburg dhe kamikazi i Ansbach), ishin në kontakt me celulat e Shtetit Islamik./shqip/a.k
