Në një deklaratë për mediat nga selia blu, nënkryetari i PD-së, Edi Paloka, përpos shqetësimit të tyre atë që cilësojë si manipulim të votave në 30 qershor, u ndal edhe tek kërcënimi i Klement Zgurit.
Kreu i KQZ-së është marrë në mbrojtje nga një numër i lartë efektivësh të Gardës së Republikës, të cilët ndodhën në zyrën e tij, por edhe në ambientet e KQZ. Po ashtu, edhe familja e Zgurit është marrë në mbrojtje nga forcat e rendit.
Ky kërcënim vjen një ditë pas përplasjeve në KQZ, në lidhje me hapjen e kutive të votimit të 30 qershorit.
Në vazhdën e akuzave, Paloka i cilësoi votimet e 30 qershorit si votime moniste, e ndërsa shqiptarët e kanë thënë fjalën e tyre, ku 85 % e refuzuan Ramën. PD paralajmëron kryeministrin, që të tërheqë gangsterët kërcënues, ose në të kundërt do të mbajë përgjegjësi për gjithçka.
“PD kërkon arrestimin e banditit që kërcënon kreun e KQZ, për shkak të kërkesës së tij për të hedhur dritë mbi të vërtetën. Ky është i njëjti që ka kërcënuar edhe profesorin Aurel Plasari, kjo është fryma që Rama ka organizuar 30 qershorin.
Sa do të përdorë banda, shqiptarët e kanë thënë fjalën e tyre. 85% e shqiptarëve e kanë thënë fjalën e tyre. PD paralajmëron kryeministrin gangster të tërheqë banditët që ka lëshuar rrugëve për të kërcënuar këdo që nuk bindet, në të kundërt ai do të mbajë përgjegjësi për gjithçka”, tha Paloka./l.m
