Takimi mes ministrave të jashtëm rus dhe ukrainas, Sergei Lavrov dhe Dmytro Kuleba, në Turqi ka përfunduar pa progres.
Në një konferencë për shtyp që po zhvillohet pas takimit, Kuleba tha se nuk ishte bërë përparim për çështjen e një armëpushimi dhe se Lavrov nuk u angazhua për një korridor humanitar në Mariupol, ku dhe situata është më e vështirë.
Por Lavrov i pyetur nga gazetarët për ofertën që ka bërë Polonia për të dërguar avionë të saj luftarakë në ndihmë të Ukrainës, bëri një kërcënim të hapur kur nuk përjashtoi që sulmi rus të përhapet dhe në qiejt e Evropës.
“Kërcënimet do vijojnë ndaj civilëve jo vetëm në qiejt e Ukrainës por të përhapen dhe në Evropë”, tha Lavrov.
Kërcënimi i Lavrov ishte edhe për shtetet që sipas tij po dërgojnë mercenarë në Ukrainë për të luftuar.
“Nëse unë e kam kuptuar mirë pyetjen kjo është përgjigja ime ata që janë më armë në Ukrainë duhet ta kuptojne qe do te mbajne pergjegjesi si ato vende që dërgojnë mercenarë në Ukrainë për të luftuar me batalione dhe që rrezikojnë jetë ukrainase”, tha Lavrov.
Sa i përket pyetjes nëse duam të shënjestrojmë vende të tjera në Evropë, Lavrov theksoi se ne nuk kemi shënjestruar e nuk po luftojmë Ukrainën. Situata e krijuar në Ukrainë ishte rrezik direkt për Rusinë.
“Presidenti Putin ka thënë e ka folur disa herë për këtë dhe për territoret e cliruara si Donjetsk e Luhansk pra ka pasur plane kundër këtyre dy republikave“, tha Lavrov.
g.kosovari
