Gushtin e kaluar, Facebook e lëshoi veçorinë e transmetimit live vetëm për llogaritë e të famshmëve në rrjetin social. Por, duke filluar nga sot kjo veçori do të jetë në dispozicion për të gjithë.
Tanimë nuk do të keni nevojë që të jeni i famshëm për të transmetuar live jetën tuaj tek miqtë në Facebook, e gjitha çfarë ju duhet është të keni një iPhone.
Veçoria, e cila tani është në dispozicion për përdoruesit e iPhone në SHBA, pritet të bëhet e gatshme për të gjithë poseduesit e iPhone në botë gjatë javëve në vazhdim, shkruan Gazeta Express.
Një ikonë e re do të paraqitet nën statusin tuaj, i cili i përket videove live që do të mund t’i bëni.
