Gjatë seancës së Komisionit Hetimor për Sterilizimin, u ndez një debat i ashpër midis përfaqësuesve të mazhorancës dhe opozitës në lidhje me dëshminë e ish-ministrit Ilir Beqaj.
Plarent Ndreca akuzoi opozitën dhe kryetaren e komisionit, Albana Vokshi, për pengimin e të drejtës së tij për të folur, duke theksuar se komisioni është shtyrë prej muajsh dhe tani po kufizohet e drejta e Beqajt për të paraqitur deklaratën e tij.
Ndreca: Keni 6 muaj që e shtyni këtë proces dhe tani e ndërprisni sërish. Po fyeni rëndë të drejtën kushtetuese të individëve duke mos e lënë Beqajn të shprehet siç është në të drejtën e tij.
Vokshi: Ta dëgjojmë, por duhet të ndjekim procedurat. Nëse zoti Beqaj dëshiron të bëjë deklaratën e tij pa shkelur rregullat, mund të vazhdojë. Prezantimet propagandistike nuk kanë vend këtu, ato bëhen në gjykatë.
Spaho: Debati është i panevojshëm; ligji e përcakton qartë rrugën e veprimit. Dëshmitari nuk ka nevojë të mbrohet, ai duhet vetëm të përgjigjet për çështjet që po shqyrtojmë.
