Pas një jave plotë muzikë, edicioni i 69-të i Festivalit të këngës italiane “Sanremo” kurorëzoi fituesin.
Pas të gjitha votave u numëruan, 27 vjeçari, me nënë italiane dhe baba egjiptian, Mahmood u shpall fitues i këtij edicioni, i cili do të përfaqësojë Italinë në Eurovision, në maj të këtij viti.
“Unë jam 100% italian, nëna ime është nga Sardenja dhe babai im është egjiptian, por unë kam lindur dhe rritur në Itali”, tha ai.
Këngëtari Ultimo është klasifikuar i dyti dhe vendin e tretë e kanë zënë djemtë e grupit “Il Volo”.
Mirëpo, kënga fituese nuk i ka pëlqyer ministrit të Brendshëm italian, Matteo Salvini.
“Mahmood… mah….Kënga italiane më e bukur?!? Unë do kisha zgjedhur Ultimon, si mendoni??”, ka pyetur zëvendës kryeministri italian në Tëitter.
Kujtojmë se vitin e kaluar fitues i Sanremos ishte këngëtari shqiptar Ermal Meta me Fabrizio Moron, “Non mi avete fatto niente”.
https://youtu.be/ogqRjzZjFSE
