Policia e Kosovës ka arrestuar disa persona në përfundim të shënimit të Vidovdanit.
Arrestimet erdhën pas thirrjeve nacionaliste nga ana e serbëve.
Në Gazimestan ata u dëgjuan duke kënduar këngë nacionaliste dhe duke thirrur “Kosova është Serbi”.
Që nga mëngjesi i së shtunës, në oborrin e manastirit të Graçanicës u mblodhën dhjetëra serbë, të cilët shkuan për të marrë pjesë në liturgji me rastin e Vidovdanit.
Policia e Kosovës shtoi praninë e saj në Graçanicë dhe në hyrje të kësaj komune mbërritën edhe Njësi Speciale të Policisë së Kosovës.
Shumë persona me flamuj serbë nuk u lejuan nga Policia e Kosovës, por pavarësisht kontrolleve të rrepta, serbët arritën ta fusin edhe një flamur me simbole patriotike gjatë shënimit të festës.
