Klubi i Juventusit ka postuar një tjetër video së fundmi të Cristiano Ronaldos, futbollisti që pas pak çastesh do të hedhë të zezën mbi të bardhë në kontratën 4-vjeçare.
Portugezi gjatë ditës së sotme pasi ka përshëndetuar dhe dhënë autografe për fansat ka takuar edhe shokët e rinj të ekipit.
Në qendrën stërvitore të klubit, portugezi ka takuar disa prej lojtarëve, ndërsa më pas ka shkuar në ambientet e brendshme ku është njohur me të gjithë pjesën tjetër.
Siç duket edhe nga video është Chiellini personi më i afërt me 33-vjeçarin, duke qenë edhe se ka ndarë shumë ndeshje me njeri-tjetrin në fushë, sigurisht si kundërshtarë. /b.d
