Studenti Marsel Kacani ka theksuar se një pjesë e studentëve të drejtësisë janë kundër protestës së pedagogëve pasi sipas tij nuk është koha e duhur.
Në një intervistë për Euronews Albania, Kacani theksoi se për shkak të protestës mund të ketë pasoja në jetën akademike studentore, duke qenë se shumë studentë vijnë nga rrethet.
“Një pjesë e studentëve në Fakultetin e Drejtësisë nuk jemi dakord me mënyrën se si është ndërtuar kjo protestë. Kjo protestë vjen në kushtet më flagrante.
Sapo ka filluar viti akademik dhe kjo implikon pasoja në jetën akademike studentore.
Janë shumë studentë nga rrethet dhe këta persona kanë sakrifikuar në ekonominë e tyre familjare për të ardhur dhe për të ndjekur studimet. Pra nuk është koha për një protestë”- tha ai.
Më tej ai theksoi se protestat e pedagogëve janë të ekzagjeruara./m.j
