Presidenti turk, Rexhep Tajip Erdogan, mori fjalën sot në parlamentin e Shqipërisë duke folur për marrëdhëniet e ngushta mes dy vendeve.
Në fjalën përshëndetëse të tij, presidenti turk tha se dy vendet nuk do të lejojnë askënd që të prishë marrëdhënien e bukur të krijuar mes Shqipërisë dhe Turqisë.
“Në emrin tim dhe të kombit tim ju përshëndes me ndjenjat më të përzemërta. Ramë dakord që rritja e kontakteve dhe bashkëpunimit tonë duhet të japë zhvillim të marrëdhënieve tona.
Pas shpalljes së Republikës së Turqisë është bërë një nga marrëdhëniet e para me Shqipërinë, dhe kjo marrëveshje që quhet marrëveshja e përjetshme e miqësisë, tregon se marrëdhëniet tona nuk janë vetëm nëpërmjet shteteve por edhe njerëzve.
Edhe pse kemi distancë gjeografike, jemi fqinj. Kemi histori të përbashkët. Gjenden kudo, jo vetëm në politikë. Këto marrëveshje të bashkëpunimit tonë janë të palëkundura. Marrëdhëniet tona janë në nivelin e partneritetit strategjik.
Duhet të synojmë stabilitetin dhe qetësinë e vendeve tona, të Ballkanit dhe të gjithë botës. Kur Shqipëria e Turqia bashkëojnë duart, me lejen e të madhit Zot, nuk ka gjë që mund të mos e arrijmë. Bashkë nuk do të lejojmë askënd që të prishë këtë panoramë të bukur e të këndshme,” tha Erdogan.
Presidenti Erdogan theksoi se kur dy vendet tona të bashkojnë duart me lejën e Zotit, nuk do të ketë asnjë problem që të mos e kalojnë.
“Në emrin tim, të delegacionit tim dhe të kombit tim ju përshëndes me ndjenjat më të përzemërta. Jam shumë i lumtur që vizitoj edhe njëherë Shqipërinë me të cilën kemi lidhje të forta historike dhe humane. Edhe pse ka kufij fizik mes nesh, për në Shqipëria është fqinji ynë në zemër. Marrëdhëniet tona përfshijnë gati 6 shekuj. Gjurmët tona të përbashkëta nuk janë vetëm politike.
Marrëveshjet e bashkëpunimit tona që rrënjat i kanë të thella, janë shumë të forta dhe të palëkundura. Deklarimi i njëanshëm i kryeministrit se Turqia është një nga 5 partnerët strategjikë të Shqipërisë, është plotësimi i kësaj tabloje që shikojmë sot. Ne i kemi ngritur zyrtarisht marrëdhëniet tona në nivelin e partneritetit strategjik.
Në do vazhdojmë të kontribuojmë në stablitetin e vendeve tona dhe mbarë rajonit. Kur Shqipëria dhe Turqia të bashkojnë duart me lejën e të madhit Zot nuk do të ketë asnjë problem që të mos ta kalojmë apo të mos ta zgjidhem. Së bashku nuk do lejojmë askënd të prishë këtë panoramë të bukur. Në ndjekim me vlerësim rolin konstruktiv që ka luajtur Shqipëria në Ballkan dhe për njohjen e Kosovës si shtet i pavarur.
Dua të uroj Shqipërinë për anëtarësimin e përkohshëm në Këshillin e Sigurimit të OKB-së. Ne do të ndajmë përvojat tona për këtë detyrë që e kemi kryer në të kaluarën. Populli turk qëndron pranë popullit shqiptar sic ka qenë gjithmonë. Turqia ishte vendi i parë që dha ndihmë gjatë tërmetit dhe pandemisë që shpërtheu në vitin 2020. Në kuadër të marrëveshjes që kemi shumë shpejt vaksinën turcovac jemi të gatshëm ta vëmë në dispozicion të Shqipërisë”, tha Erdogan.
Presidenti i Turqisë Rexhep Tayyib Erdogan tha në Parlamentin e Shqipërisë se dy vendet tashmë janë aleatë strategjikë. Erdogan përmendi njohjen e menjëhershme të Kosovës si shtet i pavarur, ndërsa shkoi larg në histori duke thënë se dy popujt ishin miq që prej 600 vitesh.
“Kur ne të bashkojmë duart, nuk do të kemi asnjë problem që nuk do ta zgjidhim”, tha Erdogani./m.j
