Nga Eduard Zaloshnja
Vdekjet e këmbësorëve/biçiklistëve në rrugët e Shqipërisë, fatkeqësisht, filluan edhe për këtë vit…
Në fakt, qysh kur u lejua pronësia private e automjeteve e deri më sot, rreth gjysma e viktimave të aksidenteve rrugore në Shqipëri kanë qenë këmbësorë/biçiklistë. Jo rastësisht, shumica dërrmuese e këtyre viktimave e kanë pasur datëlindjen para vitit 1991, kohë kur fare pak automjete lëviznin nëpër rrugët e Shqipërisë. Atëherë, lëvizja në këmbë ose me biçikletë nëpër rrugë ishte vërtet e parrezikshme (vetëm 4 vdekje rrugore u shënuan gjithsej në vitin 1990!).
Nga ana tjetër, shumica dërrmuese e drejtuesve të mjeteve të përfshirë në aksidente fatale e kanë pasur datëlindjen pas vitit 1990. Pra statistikisht, kemi të bëjmë me një fenomen brezash – të rinjtë në timon kanë vrarë këmbësorë/biçiklistë të moshuar.
Të rinjtë në timon duhen disiplinuar, të moshuarit në këmbë apo biçikleta duhen edukuar!
