Majlinda Kelmendi ka fituar një çmim shumë të rëndëishëm sot (e premte).
Federata Ndërkombëtare e Xhudos (IJF) ka konfirmuar se kampionia olimpike e ka fituar çmimin për xhudisten më të mirë të vitit “IJF Judoka of the Year Award”, që jepet me votat e fansave në Facebook, transmeton Koha.net.
“Dy herë kampionia e botës dhe bartësja e flamurit, Majlinda Kelmendi, që për herë të parë i siguroi vendit të saj medalje të artë olimpike në kategorinë -52kg, mori 5299 vota. Kampionia olimpike la prapa brazilianen Rafaela Silva, që si e dyta mori 2565 vota, kurse e treta ishte amerikania Kayla Harrison”, thuhet në konfirmimin e IJF-së.
Në kategorinë e meshkujve, çmimin e më të mirit të vitit e mori japonezi Ono Shohei, që po ashtu ka fituar medaljen e artë olimpike në Rio. Ai ka marrë 2166 vota./a.m.
