Roy Keane ka këshilluar Hazardin që ta ketë mendjen te Chelsea. “Hazard është një fëmijë i përkëdhelur”. Këto ishin fjalët e ish-mesfushorit legjendar të Manchester United Roy Keane për talentin e Chelsea Eden Hazard, duke shtuar se do ta godiste gjatë gjithë kohës po të ishin bashkë në stërvitje. Kjo erdhi pas deklaratës së Hazard i cili ka kërcënuar me largimin nga “Stamford Bridge” gjatë një interviste për të përditshmen franceze Le Parisien, ku ai shprehet se do të ishte e vështirë të refuzonte një ofertë nga PSG. Teksa fliste si një analist për ITV Champions League, Keane nuk i beson syve pas deklaratës si belgut, në kohën më të keqe të mundshme. “Nuk i kuptoj këta lojtarë, ai zgjati kontratën për pesë vite të tjera vetëm gjatë vitit të kaluar, teksa bëri një sezon spektakolar…tani deklaron budallallëqe në prag të një ndeshje aq të rëndësishme,” shprehet irlandezi. “Po ta kisha shok ekipi do ta kisha goditur mirë pas atyre deklaratave. Lojtarët veteranë duhet të mundohen ta kontrollojnë sjelljen e tij. Ai është një djalë i talentuar, por sjellja e tij është si ajo e një fëmije të përkëdhelur. Është komplet qesharake”, ka thënë ai.
