Ish-konkurrentja e “Për’puthen”, Katerina, ka ndarë me ndjekësit lajmin e ardhjes në jetë të vajzës së saj, pas muajsh të shoqëruar nga polemika për marrëdhënien me ish-partnerin Arnold.
Lajmin e ëmbël ajo e bëri publik përmes një postimi në Instagram, ku publikoi një fotografi të këmbëve të vogëlushes, e cila kishte veshur rroba rozë. Krahas imazhit, Katerina shkroi dedikimin: “My sunshine, my everything” (“Dielli im, gjithçka ime”).
Lindja e foshnjës pason një periudhë të vështirë për Katerinën, pasi raporti i saj me Arnoldin ishte diskutuar gjerësisht në publik. Ajo kishte deklaruar më herët se ish-partneri nuk ishte interesuar për të dhe fëmijën, ndërsa Arnoldi kishte shprehur dyshime për atësinë dhe kishte kërkuar realizimin e një testi ADN-je.
Katerina i kishte hedhur poshtë këto pretendime, duke këmbëngulur se vajza është fëmija i Arnoldit. Ajo gjithashtu e kishte akuzuar ish-partnerin se po kërkonte të justifikonte mungesën e tij.
