Të paktën katër persona kanë humbur jetën dhe 20 të tjerë janë plagosur, shtatë prej të cilëve në gjendje të rëndë, pas përplasjes mes një treni dhe një autobusi shkolle në jugperëndim të Francës.
Viktimat ishin pasagjerë të autobusit që transportonte adoleshentë të moshës 13-17 vjeç.
Autobusi që transportonte 20 adoleshentë të një kolegji u përplas në një kryqëzim rreth orës 15:00 GMT në Millas, në Pirenejt Lindorë, pranë kufirit me Spanjën.
“Bilanci mund të rritet pasi shtatë prej të plagosurve janë në gjendje të rëndë”, theksuan burime pranë hetimit.
Ky raportohet të jetë një prej aksidenteve më të rënda të automjeteve që transportojnë fëmijë që prej aksidentit në Beaune në vitin 1982, që shkaktoi të paktën 53 të vdekur, 44 prej të cilëve fëmijë. /b.d
