Komisioni i Ankimimeve dhe Sanksioneve ()KAS ka rrëzuar dy çështje të shqyrtuara këtë të enjte, që lidhen me ankimimet e Komitetit Shqiptar të Helsinkit.
Objekti i ankimimeve ishin vendimet e Komisionit Qendror të Zgjedhjeve për mbylljen e hetimeve administrative ndaj Bashkisë Durrës dhe Bashkisë Tiranë, pas denoncimeve për paraqitje projektesh në kundërshtim me Kodin Zgjedhor për shkak të afateve të ndaluara gjatë periudhës zgjedhore.
KAS-i vendosi të mos i pranojë kërkesat, duke lënë në fuqi vendimet ekzistuese.
“Komisioni i Ankimimeve dhe Sanksioneve vendosi rrëzimin e kërkesës ankimore nr. 10, datë 16.04.2025 me ankues Komiteti Shqiptar i Helsinkit, lënien në fuqi të vendimit nr. 482, datë 11.04.2025 të Komisionerit Shtetëror të Zgjedhjeve. Ky vendim hyn në fuqi menjëherë dhe publikohet në faqen zyrtare të Komisionit Qendror të Zgjedhjeve, si dhe kundër këtij vendimi mund të bëhet ankim në Gjykatat Administrative të Shkallës së Parë brenda 45 ditëve nga shpallja e tij,” tha anëtari i KAS-it, Elvin Lako.
Sa i përket dy kërkesa të Komisionerit për vendosjen e sanksioneve administrative, të mbështetura në denoncimet e KRIIK dhe Qëndresës Qytetare, KAS-i miratoi sanksione kundrejt personave të përfshirë.
