Pak çaste pasi ish-kryeministri Sali Berisha një ditë nisi deklaratën për mediat, ndodhi diçka e papritur, që jo të gjithë e vunë re. Teksa gazetarët i drejtojnë mikrofonin ish-kryeministrit, një person dëgjohet duke bërtitur. Personi i cili nuk është identifikuar, dëgjohet të thotë ‘kartën, kartën kartën’.
Ndërsa ish-kryeministri Berisha, i habitur thotë: ‘avash avash, rregullojini ato mjetet tuaja’, ndërsa gazetarët nisin të qeshin.
Kujtojmë se një ditë më parë, Berisha është pyetur në lidhje me akuzat e PD se sulmi që është bërë më 8 janar në selinë blu, ishte për t’i dorëzuar partinë Ilir Metës. Berisha tha se Basha gënjen.
Sali Berisha ka hedhur poshtë akuzat e Lulzim Bashës se tenton t’ia dorëzojë PD Ilir Metës, duke thënë se Basha është një gënjeshtar patologjik. I menjëhershëm ka qenë edhe reagimi i PD duke thënë se kandidatët e ‘Shtëpisë së Ilirit’ nuk mund të përfaqësojnë kurrë demokratët.
g.kosovari
