“Zoti e faltë atë që më arrestoi në komunizëm”. Kështu u shpreh Kardinali shqiptar, Dom Ernest Troshani, 88-vjeç, i sapokthyer në aeroportin “Nënë Tereza”. Troshani u shpall Kardinal nga Papa Françesku dy ditë më parë. Troshani tha se nuk e priste këtë vendim të Atit të Shenjtë, pasi siç theksoi në meshën e së dielës, ishin mbi 1000 përfaqësues të Kishës Katolike nga vende të ndryshme të botës.
Në këtë ditë të shënuar për të, Dom Ernest Troshani përcolli edhe një mesazh për atë që e arrestoi 43 vite më parë. “Zoti e ruajttë persnin që më ka arrestuar. Të përhapim dashurinë dhe vëllazërinë kudo. Veprat tona të shërbejnë për të mirën e njerëzve. Çdo njeri, vëllazëri, pqqen, lutje, ndihmë, bashkëpunim e harmoni. Mesazhi më i madh është, o zot shtiju mendjen të gjithëve. Veprat e mira e ndjekin shpirtin kudo ku shkon. Katolikë, myslimanë e baktashinj kanë vetëm një zot. Të gjithë besimtarët kemi një zot”, u shpreh Troshani, duke shtuar se “nuk e kam pritur dhe as nuk më ka shkuar në mendje”. “Aty ishin edhe personalitete të tjera, gati 1000 veta dhe nuk më shkonte mendja”.
Troshani u prit në aeroport nga kryeministri Edi Rama. Troshani u shpall Kardinal nga Papa dy ditë më parë, gjatë meshës së mbajtur të dielën, në Vatikan. At Ernest Troshani përloti Papa Françeskun, në vizitën e këtij të fundit në Shqipërisë në 21 shtator 2014-ë, me dëshminë e tij për vuajtjet gjatë viteve të regjimit komunist. Ernest Troshani u dënua nga regjimi në vitin 1963, pasi mbajti një meshë në kujtim të ish-presidentit amerikan John Kennedy, pas vrasjes së tij.
ma.me
