Për të tretën ditë me radhë, pika e kalimit kufitar të Kapshticës, ka ulur traun në mesditë, duke ndaluar kalimet drejt Greqisë.
Policia Kufitare e Kapshticës, njofton të gjithë qytetarët që janë të interesuar të kalojnë në drejtim të shtetit grek, se aktualisht kuota prej 300 shtetas është plotësuar dhe nga ana e policisë greke është pezulluar puna e nuk do të lejohet kalimi i personave të tjerë për ditën e sotme.
Policia Kufitare apelon për qytetarët që duan të udhëtojnë në drejtim të Greqisë, që të mos vijojnë udhëtimin në drejtim të PKK Kapshticë për ditën e sotme.
Sakaq qysh në mëngjes u shënuan radhë të gjata me emigrantë në pritje për të kaluar drejt Greqisë, janë krijuar në pikën e kalimit kufitar të Kapshticës.
Kanë qenë të shumtë emigrantët që e kanë gdhirë në kufi, në pritje për të kaluar drejt shtetit grek, por sërish një pjesë e tyre kanë mbetur pa kaluar.
/a.r
