Nga Elton Therçaj
Presidenti i Federatës Italiane të Gjimanstikës, Z. Adrea Faccio, bëri një vizitë 2-ditore në Shqipëri, me ftesë të Presidentit të Federatës Shqiptare të Gjimnastikës, Leonard Lulaj. Titullarët e dy federatave shqiptare dhe italiane u pritën në një takim të veçantë nga Presidenti i KOKSH Z. Fidel Ylli.
Kjo vizitë e parë në vendin tonë e Z. Faccio realizohet në një klimë miqësore të bashkëpunimit mes dy federatave. Në selinë qendrore të Komitetit Olimpik Kombëtar Shqiptar u nënshkrua një memorandum bashkëpunimi, fokusi i të cilit ishte trajnimi i gjimnasteve shqiptare në kampuset sportive në Itali, kurset e trajnimit për trajnerët dhe gjyqtarët, si dhe mbështetja logjistike me bazë materiale për ekipet shqiptare të gjimnastikës.
Gjatë qëndrimit në Shqipëri, Presidenti i FIGJ Z. Faccio u ftua nga Presidenti i KOSH Z. Ylli në ceremoninë e organizar, ku Presidenti i Republikës së Shqipërisë, Shkëlqesia e Tij Bajram Begaj i dorëzoi flamurin kombëtar ekipit olimpik Team Albania që do të përfaqësojë Shqipërinë në Lojërat Olimpike Dimërore Milano-Cortina 2026.
Në vijim të vizitës në Shqipëri, Presidenti Faccio udhëtoi drejt Shkodrës dhe u takua me gjimnastet shkodrane të ekipit Gjimnastika Vllaznia ku ndoqi performancën e vajzave në disa prej veglave gjimnastikore, duke vlerësuar punën e bërë, si dhe uroi sportiset për prfaqësimin e Shqipërisë në arenën ndërkombëtare.
Një shkrim shumë i bukur dhe me shumë vlerë. Është kënaqësi të shohësh njerëz që vazhdojnë të kontribuojnë me pasion dhe vizion për zhvillimin e sportit shqiptar. Gjimnastika shqiptare ka nevojë për njerëz që besojnë te puna, përkushtimi dhe e ardhmja. Urime për këtë kapitull të ri dhe suksese në rrugëtimin që sapo ka nisur!