Tenton të kalojë 10 kg kanabis duke e fshehur në sediljen e pasme të makinës por arrestohet në pikën kufitare të Morinës, raporton Ora News.
Sektori Kundër Narkotikëve në bashkëpunim me Policinë Kufitare të Kukësit arrestoi 51-vjeçarin Shkëlzen Ahmetaj,nga Kavaja
Në operacionin e koduar “Rrugëkalimi” uniformat blu arrestuan në flagrancë me 10 kg “Canabis Sativa” shtetasin Shkëlzen Ahmetaj, banues në Kavajë.
Policia njofton “Ndalimi i këtij shtetasi është bërë më datën 26 korrik 2015 dhe gjatë kontrolleve të ushtruara në pikën kufitare të Morinës, në automjetin tip Audi me targa AA137 KF, iu gjet e fshehur në sendiljen e pasme rreth 10 kg, lëndë narkotike e llojit Canabis Sativa.”
Materialet i kaluan Prokurorisë për Krimet e Rënda Tiranë, për veprën penale “Trafikimi i narkotikëve”, parashikuar nga neni 283/a i K.Penal.
