Është arrestuar sot një 45-vjeçar i kërkuar për vrasje të mbetur në tentativë.
Ai është Vehap Shehu, që prej kohësh ishte shpallur në kërkim, dhe për t’u fshehur kishte krijuar një vend sekret brenda shtëpisë së tij.
”Pas rrethimit të banesës në fshatin Dushaj dhe ndërhyrjes profesionale u bë e mundur kapja dhe prangosja e shtetasit të kërkuar Vehap Shehu, 45 vjeç, i cili në momentin e ndërhyrjes u gjend i fshehur në një ambient sekret të hapur enkas për t’i shpëtuar kontrolleve të Policisë”, thuhet në njoftimin e policisë.
Në vitin 2013, në qytetin e Bulqizës, 45-vjeçari ka tentuar të vrasë me armë zjarri shtetasin F. T. Gjatë shkëmbimit të zjarrit mbeti i varë vëllai i shtetasit Vehap Shehu dhe u plagos rëndë shtetasi F. T. (i arrestuar më parë nga DVP Dibër dhe forcat RENEA gjatë operacionit “Fundi i arratisë”).
Ai është i dyshuar edhe për vepra të tjera penale të ndodhura në Bulqizë.
/a.r
