Një gomone e ngarkuar me një sasi të konsiderueshme kanabisi, është kapur disa milje larg ujërave ndërkufitare në Vlorë.
Aksioni u krye nga D.V.P.Vlorë, në bashkëpunim me Policinë Kufitare, Delta Forcë, QNOD dhe Guardia di Finanza, të cilat vijojnë kontrollet për parandalimin e trafikimit të narkotikëve përtej kufirit.
Gomonia ishte në kërkim, bazuar në informacionet e siguruara paraprakisht për lëvizjen e saj në ujërat detare shqiptare.
Pas peshimit të lëndës narkotike në mjediset e policisë rezultoi se në gomone ndodheshin 1.6 ton drogë.
Gjithashtu po vijon puna për identifikimin dhe kapjen e autorëve të kësaj vepre penale./a.m.
