Një operacion i policisë greke çoi në pranga dy të rinj shqiptarë.
Një tjetër sipas policisë ka mundur të arratise, ndërsa gjatë operacionit janë sekuestruar drogë dhe armë.
Policia kufitare greke e Kapshticës ndoqi gjatë mëngjesit të ditës së mërkurë, 27 nëntor, dy automjete që vinin nga kufiri dhe i ka ndaluar ato në Selanik, në një zonë bujqësore.
Policia tha se tentoi të ndalojë mjetin e parë që drejtohej nga një 34-vjeçar shqiptar, i cili u përpoq të fshehë diçka në një zonë bujqësore në Selanik, por ai ka arritur të largohet dhe mjeti më pas është gjetur i braktisur.
Në të njëjtin vend erdhi dhe mjeti i dytë, i cili po ashtu tentoi të largohej me shpejtësi, por brenda saj u ndaluan dhe u arrestuan dy shqiptarë 25 dhe 32-vjeç.
Gjatë operacionit policia tha se u sekuestruan 33 kg dhe 140 gram marijuanë, 4 kallashnikovë, 1 armë automatike.
/a.r
