Finalizohet me sekuestrimin e 115 kilogramë lëndë narkotike e dyshuar Cannabis Sativa. operacioni antidrogë i koduar “Rrethina”. Policia e Shkodres ka arrestuar në flagrancë poseduesin e lëndës narkotike.
“Mbi bazën e informacioneve të marra në rrugë operative, si dhe në vijimësi të kontrolleve të pandërprera në të gjithë territorin u finalizua me sukses operacioni policor i koduar “Rrethina”, ku u arrestua në flagrancë shtetasi: Margjin Livalli, 46 vjeç, banues në Shkodër”- njofton policia.
Gjatë kontrollit të ushtruar në banesën e këtij shtetasi u gjetën dhe u sekuestruan në cilësinë e provës materiale, 10 thasë ku brenda tyre kishte 87 pako me lëndë të dyshuar narkotike Cannabis Sativa, me peshë totale 115 kilogramë.
Materialet i kaluan Prokurorisë së Rrethit Gjyqësor Shkodër për veprime të mëtejshme për veprën penale “Prodhimi dhe shitja e narkotikëve” e parashikuar nga neni 283 i Kodit Penal.
ma.me