Stërlina ka rënë sot nën pragun prej 1,20 dollarësh, për herë të parë që prej janarit 2017, si pasojë e kaosit politik në Britaninë e Madhe me afrimin e Brexit-it dhe mundësinë për zgjedhje të parakohshme.
Rreth orës 06:40, monedha britanike u shkëmbye me 1,1972 dollarë, disa orë para një seance parlamentare që u njoftua se do të jetë e tensionuar.
Kryeministri britanik, Boris Johnson do të përballet sot me kritikat e deputetëve të Partisë së tij Konservatore, të cilët janë kundër një Brexit-i pa marrëveshje, pavarësisht kërcënimeve për të thirrur zgjedhje legjislative të parakohshme në mes të tetorit.
/a.r
