29-vjeçari Hulk Dedja është shpallur në kërkim pasi ka kanosur një person tjetër për motive të dobëta në një lokal në Mat. Pas ngjarjes, 29-vjeçari është larguar menjëherë nga lokali.
Policia ka ushtruar kontroll në banesën e tij, ku i janë gjetur dhe sekuestruar në cilësinë e provës materiale 12 targa automjetesh (2 prej të cilave me mbishkrimin “Policia”, 4 targa të huaja dhe 6 targa shqiptare), një fenelinë, një rrip multifunksional si ata të policisë dhe 1 krehër kallashnikovi.
Vijon puna intensive për kapjen e shtetasit 29-vjeçarit banues në Burrel, si dhe të personave të tjerë që shoqëronin këtë shtetas.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprat penale “Kanosja”, “Mbajtja pa leje dhe prodhimi i armëve, armëve shpërthyese dhe i municionit”, “Mbajtja pa të drejtë e uniformës”.
29-vjeçari është me precedent të theksuar kriminal, i dënuar më parë për vrasje të mbetur në tentativë dhe armëmbajtje pa leje.
/a.r
