Diana Mile, kandidatja e mazhorancës, që humbi zgjedhjet vendore në Bashkinë e Pogradecit, ka marrë një post në Bashkinë e Tiranës.
Sipas Panoramës, pasi ka bërë konkursin e Administratës Publike, ajo ka fituar postin e Drejtoreshës së Mjedisit.
Një ditë më parë, ajo u pa në krah të kryebashkiakut Erion Veliaj.
Humbja e Miles shkaktoi një përplasje mes Lëvizjes Socialiste për Integrim dhe Partisë Socialiste.
Vetë Mile tha se ish-kryebashkiaku i PS, Artan Shkëmbi, bashkëpunoi me PD-në për humbjen e saj.
Kurse Shkëmbi deklaroi se kandidatura e saj ishte e papërshtatshme.
Mile është arkitekte dhe pedagoge e arkitekturës pranë Universitetit të Tiranës.
