Kandidati i Metës: Më sabotuan socialistët
Mesa duket zhurma dhe mëritë e 21 qershorit nuk janë fashitur nga vapa e verës dhe pushimet. Kandidati i LSI për bashkinë e Mallakastrës Shyqyri Kapllani ka postuar një status në Facebook, ku akuzon socialistët për humbjen e tij.
Dy ditë pasi kreu socialist i Mallakastrës akuzoi kandidatin e LSI-së Shyqyri Kapllani, si shkaktar të humbjes së bashkisë, ky i fundit ka lëshuar një lumë akuzash ndaj vetë kreut të PS-së. Në një shënim në Facebook, të cilin e titullon “Një përgjigje, për ata që fusin kokën në rërë, dhe lënë b…n jashtë.”, kandidati i LSI-së akuzon kreun e PS-së në Mallakastër se e ka sabotuar në fushatën elektorale. Ai thotë gjithashtu se shkaqe të tjera që sollën humbjen ishin shpërdorimi i emërimeve të mazhorancës në poste publike, ku sipas Kapllanit janë punësuar njerëz që nuk ishin të majtë.
