Skënderbeu nuk ka mundur të bëjë mrekullinë përballë Dinamos së Zagrebit, në kuadër të ndeshjes së parë të Play Off-it të Ligës së Kampionëve.
Korçarët të shoqëruar nga entuziazmi i 10 mijë tifozëve vendas kanë fluturuar përgjatë 45-minutave të para, për t’ja lënë vendin supermadhësisë së skuadrës kampione të Kroacisë në pjesën e dytë. Bardhekuqtë kanë mundur edhe të gjejnë golin e avantazhit përmes kapitenit të tyre, Bledi Shkëmbi, por vetëm kaq, pasi gjatë fraksionit të dytë të lojës skuadra e Dinamos së Zagrebit tregoi një epërsi teknike e fizike ndaj tanëve dhe çka është më e rëndësishme arritën të shënojnë dhe dy gola, duke rimëkëmbur rezultatin.
