Analisti Martin Leka, i ftuar në ‘Real Story’ komentoi zhvillimet e fundit sa i takojnë votës së Diasporës. Sipas tij, vendi ka nevojë për modele të reja dhe Diaspora është një ogur i mirë për demokracinë. Leka vijoi në fjalën e tij duke u shpreh se ky proces do të lërë gjurmë, por nuk do të thyej balancën mes dy partive.
“Ne kemi nevojë për këto modele sepse deri më tani kanë qenë modele të dhunshme, fjalori mediokër dhe cilësia e parlamentit për fat të keq nga ’91 ose 2008 vlen shumë për të dëshiruar. Kandidatët që vijnë nga Diaspora do të ishin një ogur i mirë për demokracinë.
Vota e Diasporës tregon dhe duhet të anojë nga këto modele. Jam pak skeptik deri në pesimist nëse do të bëhet ndonjë ndryshim i madh për vetë kohën e pamjaftueshme, defektet në ligj. Mendoj që do lëri gjurmë sepse është gjëja më e mirë që mund të bëj, por nuk do jetë e aftë të thyej balancën mes dy partive. Akullin mund ta thyejë, por është pozitive.”, tha Leka.
