Ministri i Brendshëm Saimir Tahiri reagoi pas akuzave të përsëritura të opozitës për situatën e rëndë sipas saj të krijuar nga kanabisi.
Reagimi i tij vjen njëkohësisht pas publikimit të letrës së marrë nga Komisioneri për Çështjet e Brendshme në BE, Dimitri Avramopulos ku vlerësohen arritjet në luftën kundër kanabisit.
Tahiri shkruan në Facebook se mbetet i vendosur të bëjë maksimumin pavarësisht llumit, siç i quan ai kritikat e opozitës.
“Përgjigje inkurajuese nga BE dhe Komisioneri Avramopulos për çfarë kemi bërë deri sot kundër drogës, e për ç’a do bëjmë nesër e tutje, bashke më partnerët. Jemi të vendosur të bëjmë maksimumin, pavarësisht llumit e pengesave nga ata që deri dje ishin në qeveri e na lanë këto kusure, ndërsa sot çirren me gishta në vesh e sy mbyllur“, shkruan Tahiri. /a.m.
