U dënuan me 71 vite burg për kultivim kanabisi, grup të strukturuar kriminal e kundërshtim të policisë së shtetit gjatë operacionit “Lazarati 2014” 9 të dënuarit mes tyre dhe Razip Gate Mahmutaj kërkojnë pafajësinë në gjykatën e lartë.
Me anë të një rekursi depozituar në gjykatën e lartë Gatia së bashku me të dënuarit e tjerë kërkojnë që procesi ndaj tyre të rihapet duke prishur dënimet e dhëna nga shkalla e parë dhe apeli i krimeve të rënda.
Gatia është dënuar me 12 vite burg, ndërsa dënimet ndaj tij dhe të dënuarve të tjerë u ulën me 1/3 pasi u zhvillua gjykim i shkurtuar.
Rekursi i grupit “Lazarati 2014” pas shortit i është caktuar gjyqtari Guxim Zenelaj i cili më 31 korrik 2017 u dorëhoq nga sistemi i drejtësisë pas përfundimit të mandatit si anëtar i Gjykatës së lartë.
Ky gjykim pritet të nis në shtator dhe të caktohet një tjetër relator dhe trupë gjykues në kolegjin penal të gjykatës së lartë.
a.ç
