Skënderbeu i Korçës ka fituar për të shtatën herë titullin kampion i vendit, pasi ka fituar 2-0 në Vlorë kundër Flamurtarit. Skuadra e drejtuar nga trajneri Mirel Josa la pas Partizanin, i ndaluar nga Teuta.
Kampionati pati një finale dramatike, pas fitores së Partizanit në Korçë në javën e parafundit, çka e çoi diferencën në dy pikë.
Megjithatë, kampionët e pesë kampionateve të mëparshëm e nisën menjëherë në epërsi takimin e sotëm, duke shënuar me anë të Latifit në minutën e tetë.
Sebino Plaku shënoi golin e qetësisë pesë minuta pas pushimit, duke siguruar titullin, i gjashti radhazi për skuadrën korçare.
D.Ikonomi