Deputeti i Partisë Socialiste, Ilir Metaj thotë se kampi opozitar është kaotik dhe bën zhurmë dhe se kjo nuk ngjall shpresë për shqiptarët.
Në një intervistë për “Newsline” në ABC News, Metaj u shpre se opozita po mundohet të fshehë krizën e saj.
Metaj shtoi se Partia Socialiste do të kryejë fushatë, me rezultate konkrete.
“Jemi në një prag fushate elektorale, Partia Socialiste vjen me një bilanc të rëndësishëm, vizion të qartë, po sigurisht edhe me organizim të detajuar, që nuk i lë asgjë rastësisë. Nga ana tjetër, shohim një kamp opozitar kaotik, në zhurmë. Shqiptarët e kanë të qartë që zhurma nuk ngjall as shpresë. Ne kemi intesifikuar punën tonë me diasporën. Diaspora shqiptare ka qenë gjithmonë e pranishme, edhe pse jo fizikisht në Shqipëri, me remitancat, por edhe me praninë që ata kanë dhënë me opinionet e tyre, apo me investime. Ky është rast i mirë për ta që të jenë aktorë të vërtetë, duke votuar për herë të parë në zgjedhjet e 11 majit. Opozita ka treguar që është forcë politike, karikaturë e vetvetes, shpik teori konspirative, ata mundohen të fshehin krizën e tyre ekzistenciale. Dihen kush janë ata të shqetësuar nga SPAK. Tani që drejtësia po jep drejtësi të vërtetë, atyre iu duket sikur kjo drejtësi është e orientuar. Ne kemi besim të plotë që institucionet e drejtësisë do kryejnë detyrën e tyre dhe do vazhdojnë të garantojnë standarde”, theksoi ai.
